Avtofaydaya geri dön

Yol polisi qayda pozuntusunu necə sübut etməlidir?

Bu gün bir çox sürücülərin bizdən soruşduğu bir mövzu var. Yol polisi qayda pozuntusuna görə saxladıqda sübut kimi video və ya foto görüntünü təqdim etməlidirmi? Ümumiyyətlə, bu proses necə getməli və qayda pozuntusu necə sübut edilməlidir. Sürücünün burada hüquqları nədən ibarətdir?

Tural Yusifov

2908

23 noyabr 2022, çərşənbə

İlk olaraq onu bildirmək lazımdır ki, cərimənin tərtib edilməsi, sübutlar və qaydalar "İnzibati xətalar məcəlləsi" və "Yol patrul xidməti haqqında təlimat"-la nizamlanır.

Bir şəxsin saxlanılıb məsuliyyətə cəlb edilməsi üçün səbəb olmalıdır:

7.4. Nəqliyyat vasitələrinin dayandırılması üçün əsaslar aşağıdakılardır:

1) nəqliyyat vasitəsini idarə edən şəxs tərəfindən yol hərəkəti qaydalarının və ya yol hərəkəti təhlükəsizliyinin təmin edilməsi qaydalarının pozulduğu vizual şəkildə aşkar edildikdə və ya xüsusi texniki vasitələrdən istifadə etməklə müəyyən olunduqda, habelə nəqliyyat vasitəsini idarə edən şəxs tərəfindən inzibati xətanın törədilməsi barədə radio-cihaz vasitəsilə digər DYP əməkdaşından məlumat daxil olduqda;

Göründüyü kimi qayda pozulubsa, inspektor bunu vizual şəkildə aşkar edibsə, sizi saxlaya bilər. Ərazidə kameraların olub-olmaması əhəmiyyət daşımır.

Əgər YPX əməkdaşı piyada xidmət aparırsa:

Piyada xidmət aparan YPX inspektoru nəqliyyat vasitəsinin dayandırılması barədə tələbi fit və jezllə işarə verməklə edir. Patrul avtomobilində, motosikletində hərəkətə nəzarət zamanı nəqliyyat vasitəsinin dayandırılması tələbi xüsusi işıq və səs siqnallarından, səsgücləndiricidən istifadə etməklə yerinə yetirilir. Bu tələb nəqliyyat vasitəsini idarə edən şəxsin aydın görə və ya eşidə biləcəyi şəkildə edilməlidir. Yol hərəkətinin tənzimlənməsi zamanı xüsusi səs siqnallarından və səsgücləndiricidən əhalinin rahatlığına və sakitliyə riayət etmək şərti ilə istifadə edilə bilər.

Nəqliyyat vasitəsini idarə edən şəxs yol hərəkəti qaydalarını pozmuşdursa o, qanunvericiliklə müəyyən olunmuş qaydada məsuliyyət daşıyır və YPX inspektoru öz səlahiyyətləri daxilində müvafiq sənədləşmə aparır. YPX inspektoru sürücüyə aşkar etdiyi qayda pozuntusunu qüvvədə olan YHQ-da qanun və buna uyğun olaraq İXM-də nəzərdə tutulmuş cərimə haqqında məlumat verir. YPX inspektoru sürücüyə qayda pozuntusunun olmasını YHQ-nun müddəaları ilə izah etməyə borcludur. Sürücü qayda pozmadığını iddia edirsə, inspektor bu halda onun hüquqlarını da ona izah etməlidir. Bir çox sürücülər sözü gedən qayda pozuntusunun olub-olmamasının sübutu kimi yerində video və ya foto görüntü tələb edirlər.

Halbu ki, qanunda belə bir şey nəzərdə tutulmayıb. Qanunvericilikdə nəzərdə tutulan hal budur:

inzibati xətanın aşkar edilməsində xüsusi texniki vasitələrdən istifadə olunmuşdursa, onların göstəriciləri, habelə istifadə olunmuş xüsusi texniki vasitənin tipi, markası, modeli, yerləşdiyi yer, ölçmə vasitəsinin son dəfə müqayisəli dövlət yoxlamasından keçdiyi vaxt (bunu təsdiq edən sənədin nömrəsi, tarixi) və növbəti yoxlamanın keçirilməli olduğu vaxt barədə məlumatlar;

Ona görə inspektordan yerində sübut kimi video tələb edilməsi qanuna uyğun deyildir. Siz tərtib edilmiş protokoldan narazı qaldıqda, bu barədə qeydinizi apara bilərsiniz. DYP inspektoru 1 iş günü ərzində bu haqda məlumatı aidiyyəti üzrə müvafiq DYP orqanına göndərilir. Bu halda inzibati xəta törətmiş şəxsə dərhal və baxılmanın yeri və vaxtı barədə bildiriş verilir. Daha sonra isə işinizə ayrıca baxıldıqda sizə foto və ya video sübutlar təqdim edilə bilər.

7.30. Nəqliyyat vasitəsi dayandırıldığı halda sürücünün sənədləri qaydasındadırsa və o, yol hərəkəti qaydasını pozmamışdırsa YPX inspektoru sənədləşmə aparmadan sürücüyə hərəkətini davam etməyə icazə verir.

Mənbə: Yol Patrul Xidməti haqqında TƏLİMAT

Əlaqəli mövzular

Paylaşın

Fikiriniz

Önə çıxanlar

Qara şüşələr, plyonka, pərdə və jalüzlər.

Azərbaycanda avtomobilin şüşələrinin qara olması ilə bağlı məhdudiyyətlər var. Lakin bu məhdudiyyətlərdən sui-istifadə edən sürücü və yol polislərinə də rast gəlmək mümkündür. Yol polisi qara, plyonkalı,pərdəli və ya jalüzlü avtomobil görərsə, nə etməlidir?

2 aprel 2018, bazar ertəsi

Dayanma və durma

Bu gün bizim bir çox sürücülərimiz «dayanma» və «durma»nın fərqlərini ya bilmirlər, ya da özlərini bilməzliyə qoyurlar. Bilsəydilər, şəhərimizdə dayanma və durma ilə bağlı acınacaqlı durum yaranmazdı. Artıq vəziyyət o yerə çatıb ki, DYP onlara qarşı mübarizə aparmaqda çətinlik çəkir. Təxliyyə avtomobillərinin, eləcə də YPX inspektorlarının sayı yetərincə olmadığı üçün hamını qanunun tələblərinə məcbur etmək, cəzalandırmaq mümkün olmur.

2 avqust 2017, çərşənbə

Elektron protokol (asanpay.az saytında qeydiyyat)

Bu gün bir çox sürücülər asanpay.az saytında necə qeydiyyatdan keçmək lazımdır bilmirlər. Düzdür burada məcburiyət yoxdur amma olsa məsləhətdir.Bu qısa videoda sizə özünüzə necə elektron kabinet yarada bilərsiniz izah edəcəm.

9 avqust 2017, çərşənbə

Protokoldan şikayət etmək qaydası

Qaydaları pozmadığınız halda sizi günahlandırırlarsa nə etməlisiniz? Əsassız ittihamdan özünüzü necə müdafiə edə bilərsiniz? Bu, hər bir sürücü üçün aktual bir məsələ olduğuna görə indi sizə onlardan bəhs edəcəyəm.

6 avqust 2017, bazar

Bakıda bu küçədə istiqamət dəyişdi.

Ü. Hacıbəyov və R.Behbudov , həmçinin Ü.Hacıbəyov və Bülbül pr-nin kəsişməsində hərəkət istiqamətləri dəyişib.

22 dekabr 2017, cümə

Avtomobilin təkrar qeydiyyatı

Bu gün bir çox sürücülər təkrar qeydiyyatla bağlı sorğular ünvanlayır və hər birinin özünəməxsus, unikal sualları olur. Bəri başdan bildiririk ki, situasiyalar fərqli olsa da, təkrar qeydiyyat eyni prosesdir. Avtomobilin təkrar qeydiyyatı, rüsumları barədə buradan oxuya bilərsiniz.

9 avqust 2017, çərşənbə

Texniki baxışdan necə keçməli? Əsas sirlər

Texniki baxış müddəti çatanda avtomobili saz vəziyyətdə olan sürücü belə, texniki baxış məntəqəsinə getməkdən çəkinir. Uğurlu texniki baxışdan keçmək üçün nə lazımdır ? Əsas sirlər nədir ? Ümumiyyətlə texniki baxış müddəti, qiyməti haqqında hər şeyi bu məqalədə tapa bilərsiniz.

10 avqust 2017, cümə axşamı

Avtoxuliqanlıq nədir? Qanunla izah.

Gün ərzində bizə çoxlu sayda avtoxuliqanlığın cəriməsi , nədən ibarət olduğu barəsində suallar gəlir. Və biz qanunda nəzərdə tutulmuş qaydaları ziah etmək qərarına gəldik.

6 may 2021, cümə axşamı

Qərarsız protokol, MMX protokol nə vaxt qüvvəyə minir ?

Sürücülərin bir çoxu MMX protokolla bağlı suallar varirlər. Onlardan biri budur: "Qərarsız protokolum var idi. MMX protokoldan məktub gəlməmişdi. Yolda YPX inspektoru saxlayıb qərarsız protokolları qərarlı etdi. Onun buna hüququ çatırmı ? MMX protokol nə zaman qüvvəyə minir ?"

22 fevral 2018, cümə axşamı

Cərimə meydançasından buraxılış vərəqəsi ləğv edildi (YENİLİK)

Bu günə qədər sürücülərin əsas problemlərindən biri, cərimə meydançasından avtomobil buraxılan zaman buraxılış vərəqəsinin tələb edilməsi idi. Yəni sənin avtomobilin cəriməni ödəmədiyinə görə (və ya başqa bir səbəbdən) cərimə meydnaçasına aparılırsa, cəriməni ödədikdən sonra sən vaxt itirib DYP-ə gedib buraxılış vərəqəsini almalı idin. İndi bu yoxdur.

13 iyun 2018, çərşənbə