3
3
cümə axşamı, 01 yanvar 1970
3
GERİYƏ
Tural Yusifov
Azərbaycanda baş verən yol nəqliyyat hadisələrinin 50%-də, bu hadisələrin əsas iştirakçıları piyadalardır. Düzdür, burada yalnız piyadaların günahından söhbət gedə bilməz. Burada sürücülərin də diqqətsizliyi və məsuliyyətsizliyi də rol oynayır. Bu gün sizə hər gün şəhər yollarında qarşılaşdığınız situasiyadan bəhs edəcəm.
çərşənbə, 08 may 2019
Dörd zolaqlı yoldur. Hər iki istiqamətə iki zolaqdır. Siz icazə verilmiş saatda 60 km sürətlə nizamlanmayan piyada keçidinə yaxınlaşırsınız. Keçiddə heç kimi görmürsünüz. Piyada keçidindən dərhal sonra səkinin yanında avtomobil park edilib. Siz sol zolaqla hərəkət edirsiniz. Sizdən bir az öndə avtobus hərəkət edir. Piyada keçidinə 50 metr qalmış avtobus sola dönmə işığını yandırır. Çox güman ki, park edilmiş avtomobili üstələmək istəyir. Amma qəfildən əyləcə basır. Siz bu zaman nə edəcəksiniz?
Bu situasiya şəhər küçələri üçün adidir. Siz öz zolağınızla gedirsiniz və avtobusa yol verməyə məcbur deyilsiniz. Çünki avtobus dayanacaqdan çıxmır, sadəcə zolağını dəyişir.
Sizi ehtiyyatlı olmağa məcbur edəcək yeganə faktor avtobusun piyada keçdinin yaxınlığında qəfil əyləcləməsidir,
Bunun səbəblərindən biri avtobus sürücüsünün sizə yol verməsi ola bilər. Bəlkə avtobus sürücüsü sizin görmədiyiniz piyadaya yol vermək üçün dayanıb? İstənilən halda siz YHQ 54-cü maddə, 2-ci bəndə əsasən dayanmalısınız.
Əgər nəqliyyat vasitəsi nizamlanmayan piyada keçidinin qarşısında dayanmışdırsa və ya sürətini azaltmışdırsa, qonşu zolaqlarda hərəkət edən digər nəqliyyat vasitələrinin sürücüləri yalnız dayanmış nəqliyyat vasitəsinin qarşısında piyadaların olmadığını yəqin etdikdən sonra hərəkəti davam etdirə bilərlər.
Ehtiyyat igidin yaraşığıdır. Əgər piyada keçidinə yaxınlaşırıqsa ehtiyatımız iki qat artmalıdır. Saatda 60 km sürət piyada keçidinə 50 metr qalmış çox təhlükəlidir. Quru asfaltda dayanma məsafəsi haradasa 40 metr olacaq. Siz hələ avtobusla paralel duraraq situasiyanı da qiymətləndirməlisiniz. Ona görə verilmiş dayanma qərarı çox gec ola bilər.
Optimal olaraq 4-cü variant ən təhlükəsizidir. Siz situasiyanı kontroi altında saxlayırsınız. Hərəkətinizlə digər hərəkət iştirakçılarını çaşdırmırsınız. Yola piyada çıxarsa vaxtında dayanmış olursunuz.
Yollarda ehtiyyatlı olun.
Oxşar mövzuda digər məqalələr