Texniki baxış müddətləri:

Azərbaycan qanunvericiliyinə əsasən, avtomobillər istehsal ilinə görə aşağıdakı qaydada texniki baxışdan keçməlidir:

1. Yeni avtomobillər:

  • İstehsal tarixindən 4 il tamam olduqdan sonra, 5-ci ildə ilk dəfə texniki baxışdan keçir.
  • Məsələn: 2014-cü il istehsalı olan avtomobil 2019-cu ildə texniki baxışdan keçməlidir.

2. İstehsalından 4 ildən çox keçmiş avtomobillər:

  • 2 ildən bir texniki baxışdan keçir.
  • Məsələn: 2012-ci ilin avtomobili 2017-ci ildə texniki baxışdan keçəndən sonra, növbəti texniki baxış müddəti 2019-cu ilolacaqdır.

3. İstehsalından 10 ildən çox keçmiş avtomobillər:

  • Hər il texniki baxışdan keçməlidir.

Qeyd: Texniki baxış müddəti avtomobilin alınma tarixi ilə deyil, istehsal ili ilə hesablanır.

Texniki baxış məntəqələri və iş qrafiki:

Texniki baxış məntəqələri:

  • Bakı şəhərində texniki baxış məntəqəsi Zabrat-Maştağa yolunda yerləşir.
  • Ərazi qeydiyyatından asılı olmayaraq, avtomobili istənilən texniki baxış məntəqəsində yoxlatdırmaq mümkündür.

İş qrafiki:

  • Hər gün: 09:00-dan 18:00-a qədər.
  • Fasilə: 13:00-dən 14:00-a qədər.
  • Texniki baxış fasiləsiz həyata keçirilməlidir və əməkdaşlar məntəqəni bağlaya bilməz.

Texniki baxış üçün tələblər:

Avtomobilin texniki baxışdan keçməsi üçün aşağıdakı tələblərə cavab verməsi vacibdir:

1. Dəm qazı emissiyası:

  • Avro-2 və ya Avro-3 standartlarına uyğun olmalıdır (istehsal tarixinə görə fərqlənir).

2. Şinlərin vəziyyəti:

  • Protektor dərinliyi ən azı 1.6 mm olmalıdır.

3. Şüşələr:

  • Alın və yan şüşələrdə çat olmamalıdır.
  • Şüşələr AZS 122-2004 standartına uyğun olmalıdır.

4. İşıqlar:

  • Bütün işıq cihazları saz vəziyyətdə olmalıdır.
  • Texniki baxışdan əvvəl işıqları yoxlatdırmaq tövsiyə olunur.

5. Əyləc sistemi:

  • Əsas və əl əyləcləri düzgün işləməlidir.

6. Avtomobilin konstruksiyası:

  • Brizqoviklər (tələb olunursa) və təhlükəsizlik kəmərləri yerində olmalıdır.

7. Avadanlıq:

  • Avtomobildə yanğınsöndürən, qəza-durma nişanı və tibb çantası olmalıdır.
  • Tibb çantasının tərkibi yoxlanılır.

Qeyd: Mühərrikin təmiz və ya natəmiz olması texniki baxışa təsir etmir. Əsas məsələ mühərrik nömrəsinin görünməsidir.

Texniki baxışın proseduru:

Texniki baxış zamanı avtomobil aşağıdakı mərhələlərdən keçir:

1. Qeydiyyat:

  • Avtomobilin texniki pasportu, rəngi, ban və şassi nömrələri yoxlanılır.
  • İcbari sığorta yoxlanılır.

2. Dəm qazı emissiyasının yoxlanılması:

  • Avtomobil işlək vəziyyətdə olmalıdır.
  • Ölçmə sabit rejimdə aparılmalı, mühərrikin dövrləri süni şəkildə artırılmamalıdır.

3. İşıqların yoxlanılması:

  • İşıqların düzgün işləməsi və nizamlanması xüsusi cihaz vasitəsilə yoxlanılır.
  • Cihazın təmiz və düzgün işlədiyindən əmin olun.

4. Əyləc sistemi və amartizasiya:

  • Əsas və əl əyləclərinin iş prinsipi yoxlanılır.
  • Əyləc stendində avtomobil düz istiqamətdə saxlanmalıdır.

5. Avadanlıqların yoxlanılması:

  • Yanğınsöndürən, qəza-durma nişanı və tibb çantası yoxlanılır.

Texniki baxış üçün ödənişləri:

  • Texniki baxışın dövlət rüsumu: 30 AZN
  • Ödənişlər aşağıdakı yollarla həyata keçirilə bilər:
  • Bank
  • POS-terminal
  • Online portal: https://e-payment.mia.gov.az/portal/index
  • “Yol hərəkəti haqqında” qanunun 27- ci maddəsinin II və III hissələrində nəzərdə tutulan nəqliyyat vasitələri hər dövlət texniki baxışı zamanı istehsal və buraxılış ili 4 ildən 10 ilədək olduqda - 10 manat, 10 ildən 20 ilədək olduqda - 20 manat, 20 ildən 30 ilədək olduqda - 30 manat, 30 il və daha çox olduqda 40 manat utilizasiya haqqı ödəniləcək.

Qeyd: Yol vergisi ləğv edilib. Keçmiş illərin texniki baxış rüsumu tələb edilə bilməz.

Texniki baxışın uğurlu keçməsi üçün tövsiyələr:

1. Hazırlıq:

  • Avtomobilin işıq cihazlarını və şinlərini texniki baxışdan əvvəl yoxlayın.
  • Əyləc sisteminin vəziyyətini yoxlatdırın.

2. Sənədlər:

  • Bütün sənədləri (texniki pasport, sığorta və s.) öncədən hazırlayın.
  • Tibb çantasının tərkibini yoxlayın.

3. Avadanlıq:

  • Yanğınsöndürən və qəza-durma nişanının işlək vəziyyətdə olduğuna əmin olun.

4. Texniki nasazlıq aşkarlanarsa:

  • İki nüsxəli akt tərtib edilməli və nasazlığın səbəbləri izah edilməlidir.
  • Nasazlıq aradan qaldırıldıqdan sonra, yenidən yoxlama tələb edilməməlidir.

Əlavə hüquqlarınız

  • İşıqların yoxlanılması zamanı:
  • Ölçmə cihazlarının düzgün işləməsini tələb etmək hüququnuz var.
  • Nasazlıq hallarında:
  • Texniki baxış aktının surətini tələb edin.
  • Aradan qaldırılmış nasazlıqlarla bağlı servis arayışı təqdim etdikdən sonra, əlavə yoxlama tələb olunmamalıdır.

Bu qaydalara əməl edərək texniki baxışı uğurla keçə və əlavə problemlərdən yayına bilərsiniz. Uğurlar!

Yenilənib: 16 Dekabr 2024 · Mənbə: AvtoStop redaksiyası