Buffer nömrəli aqreqatdırmı?
Azərbaycan Respublikası qanunvericiliyində nəqliyyat vasitəsinin nömrəli aqreqatları dedikdə mühərrik, ban (kuzov nömrəsi) və şassi (çərçivə) nəzərdə tutulur. Bunlar dövlət qeydiyyat sənədlərində öz unikal nömrələri ilə qeyd olunur. Buffer isə sadə bir karoseriya hissəsidir. Onun nə seriya nömrəsi var, nə qeydiyyat sənədlərində yeri, nə də dövlət uçotuna düşür.
Qanun nə deyir?
Azərbaycan Respublikası Nazirlər Kabinetinin 1999-cu il 15 mart tarixli 39 nömrəli Qərarı ilə təsdiq edilmiş "Mexaniki nəqliyyat vasitələrinin dövlət qeydiyyatı haqqında Əsasnamə"nin 4.6-cı bəndinə görə:
"Eyni modeldən olan nəqliyyat vasitələrinin banını və aqreqatlarını dəyişməyə həm avtotəmir müəssisələrinə, həm də nəqliyyat vasitəsinin mülkiyyətçisinin özünə icazə verilir."
Buffer isə bu bəndin tətbiq dairəsinə belə daxil olmur, çünki o nə bandır, nə aqreqatdır. Sadə bir plastik və ya metal hissədir. Ona görə bu dəyişiklik üçün heç bir xüsusi icazə, DYP müraciəti və ya qeydiyyat yeniləməsi tələb olunmur.
Nəticə:
Prado 2012 modelinizə 2014 faceliftin bufferini quraşdırmaq tamamilə qanuni bir əməliyyatdır. Bu dəyişiklik nə İnzibati Xətalar Məcəlləsinin hər hansı maddəsi altına düşür, nə cərimə tələb edir, nə DYP icazəsi lazımdır, nə də qeydiyyat sənədlərinin yenilənməsi zəruridir.
Qeydiyyat sənədlərinizdə yalnız nömrəli aqreqatlar, yəni mühərrik, şassi və ban nömrəsi qeyd olunur. Buffer bu sənədlərdə yer almır, dəyişdirilməsi isə heç bir dövlət orqanını maraqlandırmır.
Qoymaq istəyirsiniz? Qoyun. Qanun buna mane olmur.
Yenilənib: 14 Aprel 2026 · Mənbə: AvtoStop redaksiyası
